Бүгүн ол эбэтэр кулун тутар 2 күнүгэр "Ийэ баар буолан..." диэн Үөдэй орто оскуолатын иһинэн интернат иитиллээччилэригэр, Үөдэй нэһилиэгин 14 Герой ийэлэрин туһунан уруок ыытылынна.

Бу аһаҕас уруок быйыл Ил Дархан Айсен Сергеевич Николаев, тохсунньу ый 12 күнүгэр 2022с. 2263 нүөмэрдээх ыйааҕынан 2022 сыл "Ийэ сылынан" уонна Үөдэй нэһилиэгэр "Өбугэ үгэһин утумнааһын " сылынан бигэргэтиллибитигэр олоҕуран ыытылынна. Оҕолор бары көхтөөх кыттыыны ыллылар.

Үөдэй орто оскуолатын иһинэн интернат иитиллээччилэригэр "Герой ийэ" сиэннэрэ уонна оҕолоро кылгастык ийэлэрин, эбэлэрин туһунан видеоролик көрдүлэр-иһиттилэр.