Афиша

i.jpg

Долгутуулаах, күүтүүлээх түгэн

“Дьиэ кэргэн уонна оҕо саас” фестиваль түмүктэннэ. Быйыл нэһилиэккэ дьиэ кэргэн сылынан бастакы онлайн тэрээһин ыытылынна. Фестиваль төрөппүт комитетын көҕүлээһининэн 6 көрүҥүнэн ыытылынна. “Саха төрүт ыалын биир күнэ”, “Саха төрүт аһа”, “Ааҕар дьиэ кэргэн”, “Айар куттаах дьиэ кэргэн”, “Дьиэ кэргэн олох төрдө”, “Холобур буолар дьиэ кэргэн”. Уопсайа 22 дьиэ кэргэн кыттыыны ылла. Кыттыбыт дьиэ кэргэттэр чахчы даҕаны ураты дьоҕурдаах, айар талааннаах, удьуору утумнуур, көлүөнэлэри ситимниир, киэн туттар, холобур оҥостор бастыҥ дьиэ кэргэттэр. Дьүүллүүр сүбэҕэ тэрийээччилэр нэһилиэк дьаһалтата, З.П.Саввин аатынан орто оскуола, төрөппүт комитета, “Сарыал” сынньалаҥ киин, олохтоох библиотека көрүүтүнэн быһаарыллан түмүк таҕыста. Олус долгуйан туран түмүгү билиһиннэрэрбитин көҥүллээн. Фестиваль кыттыылаахтарын матырыйааллара yedey_conynnara инстаграмм ситимигэр тахсан сырдатылынна, сорох матырыйааллар өссө эбии тахсыахтара. Уопсай түмүккэ 11 бастыҥ номинация ананна.
1. “Саха төрүт ыала” Ксения, Владимир Эверстовтар
2. “Саха сайдам ыала” Надежда, Виктор Стручковтар
3. “Айар куттаах дьиэ кэргэн” Марианна, Иннокентий Татариновтар
4. “Бастыҥ сандалылаах дьиэ кэргэн” Агния, Дмитрий Яковлевтар
5. “Билии биһигэ дьиэ кэргэн” Лия Ральфовна Слепцова элбэх оҕолоох дьиэ кэргэн)
6. “Өбүгэ үгэһин утумнааччы дьиэ кэргэн” Наталья Трофимовна Дьяконовтар
7. “Кэскиллээх дьиэ кэргэн” Августина, Юрий Ядреевтар
8. “Кыайыыга дьулуурдаах дьиэ кэргэн” Варвара Николаевна, Алена Григорьевна Слепцовтар, Романовтар
9. “Үбүлүөйдээх дьиэ кэргэн” Розалия Ильинична, Михаил Игнатьевич Свинобоевтар
10. “Холобур буолар дьиэ кэргэн” Ольга Петровна, Анатолий Иванович Барашковтар
11. “Холобур буолар Ытык ыал” Альбина Афанасьевна, Николай Петрович Габышевтар.

Бастыҥ номинация анал хаһаайыттарыгар биир дойдулаахтарбыт дьиэ кэргэн династиялара сүрүн бириистэрин туруоруохтара. Ол курдук; Ядреев Владимир Владимирович оҕолоро, сиэннэрэ, улуустааҕы үөрэх управлениятын начальнига Екатерина Владимировна, нэһилиэк баһылыга Семен Владимирович Ядреевтар, айар талааннаах биир дойдулаахпыт Алексей Татаринов-Удьурҕай, Трофим Дмитриевич Яковлевтар дьиэ кэргэн удьуордара, Александра Николаевна Лихановтар династиялара, Евдокия Гаврильевна Посельская (Кычкиннар) удьуордара, Екатерина Николаевна, Александр Николаевич Ядреевтар дьиэ кэргэн династиялара, Мария Николаевна Новгородова – Обутовтар дьиэ кэргэн, Сардана Петровна Габышева – Романовтар дьиэ кэргэн, Алексей Дмитриевич Яковлевтар дьиэ кэргэн удьуордара, маны таһынан нэһилиэк дьаһалтата, нэһилиэк тэрилтэлэрэ, общественнай сэбиэттэр, ыччат хамсааһына анал бириистэрин бары кыттааччыларга туттарыахтара. Түмүк самаан сайын кэрэ үтүө кэмигэр, алгыс ыытыллар Ытык күнүгэр бэс ыйын 21 күнүгэр үөрүүлээх-быһыыга туттарыллыаҕа. Эҕэрдэлээһин быһа эфиргэ yedey_conynnara инстаграмм ситимигэр, маны тэнэ Ютуб каналга толору сырдатыллан тахсыаҕа. Күүтүн, кэрэ түгэни мүлчү тутуман. Фестивальга кыттыбыт дьиэ кэргэттэрбитигэр махтанабыт, ситиһиилэри баҕарабыт.

5.jpg

Режим работы:

Пн, Вт, Пт

10:00 - 18:00

Обед 13:00 - 14:00

Ср - Чт 11:00 - 19:00

Обед 14:00 - 15:00

Суббота 10:00 - 13:00

Выходной воскресенье 

Новости

 

Адрес библиотеки:

678391, РС (Я), Намский улус, с. Ымыяхтах, ул. Центральная, 56, Ымыяхтах,

678391, Россия

edeiskayabiblioteka@yandex.ru

Телефон: +7 (41162) 25920

Обращение в библиотеку

Информация отправлена. Спасибо!